«Зейнетақы аннуитеті»
«Зейнетақы аннуитеті» бағдарламасымен зейнетақы төлемдерін уақытынан бұрын алыңыз. Аннуитеттік зейнетақы төлемдері өмір бойы төленеді, армандарыңызды іске асыруға көмектесіп, құрметті демалысты жоспарлауға мүмкіндік береді!
Онлайн өтініш рәсімдеу
Құрметті клиенттер!
Енді сіздер біздің мобильді қосымша арқылы онлайн түрде зейнеткерлік аннуитет шартын жасауға өтініш бере аласыздар. Қосымшаны жүктеу үшін төменгі сілтемелерге өтіңіз:
Сақтандыру пайдасы
-
Зейнеткерлік демалысқа шығуды күтпей-ақ аннуитеттік (зейнеткерлік) төлемдерді алу мүмкіндігі -
Зейнеткерлік жасқа толғанда 3 КӨЗДЕН зейнетақы төлемдерін алу мүмкіндігі -
Сақтанушы үшін аннуитеттік төлемдерді өмір бойы алу мүмкіндігі -
Инфляциялық тәуекелдерді төмендету (аннуитеттік төлемдерді индекстеу мүмкіндігі) -
Мұрагерлер үшін не зейнетақы аннуитеті шартында көрсетілген тұлғаға (ларға) төлемдердің кепілдік берілген кезеңін белгілеу мүмкіндігі -
Сақтандыру төлемдеріне Кепілдік беру қорының кепілдігі
Сақтандырудың шарттары
«ҚР-да зейнетақымен қамсыздандыру туралы» Заңға сәйкес азаматтардың жекелеген санаты белгілі бір жасқа* жеткен кезде, міндетті зейнетақы жарналары есебінен қалыптастырылған зейнетақы жинақтары жеткілікті болған жағдайда, өмірді сақтандыру компаниясында осы жинақтарды пайдалана отырып, өмір бойғы зейнетақы аннуитеті шартын жасай алады және зейнетақы төлемдерін өмір бойы, яғни адам тірі болғанша ала алады. Уәкілетті орган әдістемесінің талаптарына сәйкес айқындалады және клиенттің бүкіл өмірі бойы, ай сайын төленеді. Бұл ретте аннуитеттік төлем мөлшері зейнетақы аннуитеті шартын жасасу күніне қолданыстағы ең төмен күнкөріс деңгейі шамасының 70 пайызынан төмен болмауы тиіс.
Кепілдік берілген кезең болған кезде төлемдер Сақтанушының/аннуитенттің мұрагерлеріне немесе зейнетақы аннуитеті шартында көрсетілген тұлғаға (тұлғаларға) белгілі бір мерзім ішінде* төлемдердің кепілдік берілген кезеңі аяқталған сәтке дейін жүзеге асырылады.
* Мысалы, егер шартта кепілдендірілген кезең он бес жыл деп көрсетілсе, бірақ Сақтанушы/Клиент зейнетақы аннуитеті шартын жасасқаннан кейін үш жыл өткен соң, онда мұрагерлер немесе сақтанушы шартта кімді көрсеткеніне байланысты зейнетақы аннуитеті шартында көрсетілген тұлға (тұлғалар) төлемді тағы он екі жыл алады.
Сақтанушы және (немесе) Сақтандырылған тұлға зейнетақы аннуитеті шарты бойынша бірінші ай сайынғы сақтандыру төлемін алғанға дейін қайтыс болған жағдайда, зейнетақы аннуитеті шартында көрсетілген тұлға, ал ол болмаған жағдайда Сақтанушының мұрагерлері зейнетақы аннуитеті шартына 1-қосымшада көрсетілген Сақтанушының қайтыс болу кезеңіне сәйкес келетін сатып алу сомасын біржолы алады.
Қосымша: отбасының немесе жерлеуді жүзеге асырған адамның Қазақстан Республикасының зейнетақымен қамсыздандыру туралы заңнамасында көзделген мөлшерде және тәртіппен, бірақ республикалық бюджет туралы заңда тиісті қаржы жылына белгіленген айлық есептік көрсеткіштің (АЕК) 15 еселенген мөлшерінен кем емес жерлеуге арналған біржолғы төлемді алуға құқығы бар.
1. Зейнетақы аннуитеті шартын жасасу үшін зейнетақы жинақтары жеткілікті болған кезде республикалық бюджет туралы заңда белгіленген және тиісті қаржы жылының 1 қаңтарына қолданыста болатын ең төмен күнкөріс деңгейінің 70 пайызынан төмен емес төлемді қамтамасыз ету үшін 45 жасқа толған адамдар.
Осы санат бойынша төлемдердің басталуы:
Ерлер - 55 жаста
Әйелдер:
2021 жылғы 1 қаңтардан бастап - 52 жас;
2022 жылғы 1 қаңтардан бастап - 52,5 жас;
2023 жылғы 1 қаңтардан бастап - 53 жас;
2024 жылғы 1 қаңтардан бастап - 53,5 жас;
2025 жылғы 1 қаңтардан бастап - 54 жас;
2026 жылғы 1 қаңтардан бастап - 54,5 жас;
2027 жылғы 1 қаңтардан бастап - 55 жас.
2. Республикалық бюджет туралы заңда тиісті қаржы жылына белгіленген ең төмен күнкөріс деңгейінің 70 пайызынан төмен емес төлемді қамтамасыз ету үшін зейнетақы жинақтары жеткілікті болған кезде сақтандыру ұйымымен зейнетақы аннуитеті шартын жасасу арқылы жиынтығында кемінде күнтізбелік алпыс ай міндетті кәсіптік зейнетақы жарналары төленген, 40 жасқа толған тұлғалар.
Осы санат бойынша төлемдердің басталуы-50 жас.
1. Зейнеткерлік жасқа толған тұлғалар: ерлер 63 жасқа толғанда; әйелдер 2018 жылғы 1 қаңтардан бастап - 58,5 жасқа толғанда және одан әрі әрбір күнтізбелік жылдың басынан бастап мұндай жас 6 айға көтеріледі (2027 жылға қарай әйелдер үшін зейнеткерлік жасты 63 жасқа дейін кезең-кезеңімен арттыруға байланысты).
2. Ерлер 55 жасқа толған кезде зейнетақы жинақтары республикалық бюджет туралы заңда белгіленген және тиісті қаржы жылының 1 қаңтарында қолданыста болатын ең төмен күнкөріс деңгейінің 70 пайызынан төмен емес төлемді қамтамасыз ету үшін жеткілікті болған кезде.
3. Әйелдер зейнетақы аннуитеті шартын жасасу үшін зейнетақы жинақтары жеткілікті болған кезде республикалық бюджет туралы заңда белгіленген және 2021 жылғы 1 қаңтардан бастап 52 жасқа толғанда тиісті қаржы жылының 1 қаңтарына қолданыста болатын ең төмен күнкөріс деңгейінің 70 пайызынан төмен емес төлемді қамтамасыз ету үшін және одан әрі әрбір күнтізбелік жылдың басынан бастап мұндай жас 6 айға (әйелдер үшін зейнетақы жасын кезең - кезеңімен арттыруға байланысты) артады.
4. Республикалық бюджет туралы заңда белгіленген және тиісті қаржы жылының 1 қаңтарына қолданыста болатын ең төмен күнкөріс деңгейінің 70 пайызынан төмен емес төлемді қамтамасыз ету үшін зейнетақы аннуитеті шартын жасасу үшін зейнетақы жинақтары жеткілікті болған кезде өздері үшін жиынтығында кемінде күнтізбелік алпыс ай міндетті кәсіптік зейнетақы жарналары төленген, елу жасқа толған адамдар.
5. I және II топтағы мүгедектер, егер мүгедектігі мерзімсіз болып белгіленсе.
Сақтанушы (Аннуитент), ал ол кепілдік берілген кезең аяқталғанға дейін қайтыс болған жағдайда* (ол болған кезде) - сақтанушының мұрагерлері не сақтанушының шартта кімді көрсеткеніне қарай зейнетақы аннуитеті шартында көрсетілген тұлға (тұлғалар).
* Кепілдендірілген кезең-Шарт күшіне енген күннен бастап есептелетін кезең, осы кезең ішінде сақтанушы/Аннуитент осы кезеңде өмір сүргеніне немесе қайтыс болғанына қарамастан аннуитеттік төлемдер жүзеге асырылуға тиіс.
Әлем бойынша, 24/7
Cақтандыру ережелері
