2022 жылдың бірінші жартыжылдығының қорытындысы бойынша «Халық-Life» АҚ Қазақстан Республикасындағы өмірді сақтандыру бойынша ең ірі Компания және барлық қаржылық көрсеткіштер бойынша сөзсіз көшбасшы болып табылады.
01.07.2022 жылғы жағдай бойынша Компания төмендегі көрсеткіштер бойынша 1-ші орында:
- активтер мөлшері бойынша (252,5 млрд теңге, нарық үлесі - 30%);
- сақтандыру резервтерінің мөлшері бойынша (199,0 млрд теңге, нарық үлесі - 33%).
- меншікті капитал мөлшері бойынша (49,2 млрд теңге, нарық үлесі-33%);
- таза пайда мөлшері бойынша (9,4 млрд теңге, нарық үлесі - 39%);
- жинақталған сақтандыру сыйлықақыларының мөлшері бойынша (53,3 млрд теңге, нарық үлесі-33%);
- жүзеге асырылған сақтандыру төлемдерінің мөлшері бойынша (6,8 млрд теңге, нарық үлесі - 34%).
«2022 жыл барлық қазақстандықтар үшін, сондай-ақ өмірді сақтандыру нарығы үшін де оңай болған жоқ. Алайда, қазір нарық жақсы өсімді көрсетуде және 1 жартыжылдықтың қаржылық нәтижелері бойынша біздің Компаниямыз нарықтағы 33% үлесімен көшбасшы атанды. Іс жүзінде қазір өмірді сақтандыру нарығында әрбір 3-ші шарт біздің Компанияда жасалады. Біз олардың сенімін мақтан тұтамыз. Сондықтан клиенттер үшін жаңа өнімдер мен сервистерді енгізе отырып, осы сенімді ақтау үшін барынша күш саламыз», - деді Басқарма төрағасының міндетін атқарушы А. З. Джексембаев.
Ағымдағы жылдың басында Компанияның 2021 жылғы табысты инвестициялық қызметінің нәтижелері бойынша пайдаға қатысатын өмірді жинақтаушы сақтандыру шарттары бар 24 мың клиентке сақтандыру дивидендтерін бөлдік. Бұдан басқа, жыл басында клиенттерге ең жоғары сервисті ұсыну мақсатында Компания өзінің мобильді қосымшасына сақтандыру жағдайының басталғаны туралы хабарлама жолдауға болатын жаңа функцияны енгізді. Енді Компания клиенттері әлемнің кез-келген жерінен «Halyk Life» мобильді қосымшасына кіріп, бір-екі қимылмен-ақ өтінім бере алады, қажетті құжаттарды тіркеп, өз өтінімінің мәртебесін тексере алады.
Сондай-ақ, наурыз айында AM Best халықаралық Агенттігі Компанияның қаржылық тұрақтылық рейтингісін «B+» деңгейінде және эмитенттің ұзақ мерзімді кредиттік рейтингісін оң болжаммен «bbb–» деңгейінде растағанын атап өткіміз келеді. A. M. Best халықаралық рейтингтік Агенттігінің рейтингтері біздің Компаниямыздың ашықтығы мен айқындығын, ұстанымдарының тұрақтылығын, сондай-ақ өз міндеттемелерін толық көлемде және мерзімде орындау қабілетінің жоғары екендігін көрсетеді.