Займ алудың шарттары

Құрметті Клиенттер! «Халық-Life» АҚ Сіздердің назарыңызға өмірді аралас (жинақтаушы) сақтандыру полистерінің иелеріне займ алу тәртібін ұсынады.

Қарыз беру келесі схема бойынша жүзеге асырылады:

Қарыз алуға мүдделі сақтанушыға кеңес алу үшін «Халық-Life» АҚ компаниясының өңірлік бөлімшесіне жүгіну қажет. Компания қызметкері сақтанушыға қарыз беру шарттарын түсіндіреді. Егер сақтанушы барлық талаптармен келіссе, ол қарыз беруге өтінім толтырады және компанияға қолданыстағы сақтандыру шартының, Сақтанушының жеке куәлігінің және ЖСН көшірмелерін, сондай-ақ қарыз сомасы аударылатын оның банктік деректемелерін ұсынады.

Сақтанушыға қарыз беру мүмкіндігін бағалау. Қалыптастырылған құжаттар топтамасы компанияның уәкілетті маманының қарауына жіберіледі, ол деректердің компания талаптарына сәйкестігін қайта тексеруі және сақтанушыға қарыз беру мүмкіндігін бағалауы тиіс. Қарыз беру немесе беруден бас тарту туралы шешім сақтанушыға құжаттардың толық пакетін алған күннен бастап 7 (жеті) күнтізбелік күн ішінде хабарланады.

Қарыз беру туралы шешімді іске асыру. Қарыз беру туралы оң шешім қабылданған жағдайда, компанияның маманы өтеу кестесімен қарыз шартын дайындайды, оған Сақтанушы қол қойғаннан кейін қарыз беру туралы бұйрық шығарылады және Сақтанушы көрсеткен банктік деректемелер бойынша қаражат аударылады.

Сақтанушы қарызды өтеуді сақтандыру полисін және қарыз шартын төлеу кестесіне сәйкес сақтандыру жарналарын төлеумен бір мезгілде компанияның шотына ай сайынғы төлемдерді аудару жолымен жүзеге асырады, бұл ретте Сақтанушы қарызды мерзімінен бұрын өтеуді жүзеге асыруға құқылы.

Қарыз алу шарттары:

Қарыз сомасы - қарызды қарау күніне қалыптастырылған, 2 жылдан астам қолданыстағы өмірді аралас (жинақтаушы) сақтандыру полисі бойынша сатып алу сомасының 85% - ынан аспайды ;
Қарыз мерзімі - 6 айдан 12 айға дейін, бірақ өмірді аралас (жинақтаушы) сақтандыру полисінің қолданылу мерзімінен аспайды;
Сыйақы мөлшерлемесі - жыл сайын компанияның Актуарийі белгілейді, бірақ алдыңғы қаржы жылындағы инфляцияның ресми деңгейінен кем емес, не шамалардың қайсысы ең жоғары болып табылатынына байланысты жинақтаушы сақтандыру шарты бойынша кепілдік берілген инвестициялық кірістілік мөлшерлемесі;
Қосымша комиссиялар - жоқ.

Займ алудың шарттары

Қарыз беру келесі схема бойынша жүзеге асырылады:

Құжаттар