Құпиялылық саясаты

Осы Құпиялылық саясаты (бұдан әрі – Құпиялылық саясаты) жария құжат болып табылады, Қазақстан Республикасының «Дербес деректер және оларды қорғау туралы» Заңына негізделген және «Халық-Life» АҚ (бұдан әрі – Компания) www.halyklife.kz сайтының келушілері туралы сайтты пайдалану кезінде алуы мүмкін жеке деректерді қамтитын ақпаратқа қатысты қолданылады.

Сайтқа кіре отырып, Келуші осы Құпиялылық саясатында көрсетілген процедураларды қабылдайды және олармен келіседі. Осы Құпиялылық саясатының кез келген шарттарымен келіспеген жағдайда веб-сайтты пайдаланбауды және жеке деректерді ұсынбауды сұраймыз.

• Дербес деректер — электрондық, қағаздық және (немесе) өзге де материалдық жеткізгіште тіркелген, белгілі бір немесе олардың негізінде анықталатын дербес деректер субъектісіне қатысты мәліметтер.
• Жеке емес деректер — Келушінің жарнамалық блоктарды қарауы және статистикалық скрипт орнатылған беттерге кіруі кезінде автоматты түрде берілетін мәліметтер: сұратылған беттің мекенжайы, cookie ақпараты, IP-мекенжай, браузер туралы ақпарат, реферер (алдыңғы беттің мекенжайы), кіру уақыты.
• Дербес деректерді жинау — дербес деректерді алуға бағытталған іс-қимылдар.
• Дербес деректерді өңдеу — дербес деректерді жинақтауға, сақтауға, өзгертуге, толықтыруға, пайдалануға, таратуға, жекесіздендіруге, бұғаттауға және жоюға бағытталған іс-қимылдар.
• Дербес деректерді қорғау — ҚР «Дербес деректер және оларды қорғау туралы» Заңымен белгіленген мақсаттарда жүзеге асырылатын құқықтық, ұйымдастырушылық және техникалық шаралар кешені.
• Интернет-сайт — Алматы қаласындағы серверге орналасқан және интернетте halyklife.kz мекенжайы бар, Компанияның әлеуетті клиенттеріне ұсынылатын сақтандыру қызметтерінің сипаттамасы орналастырылған сайт.
• Интернет-сайт сервистері — halyklife.kz сайтында пайдалануға қол жетімді барлық қызметтер.
• Cookies — браузер Келушілер кірген сайттардың деректерін жазатын шағын мәтіндік файлдар; беттер арасында тиімді жылжуға, Келушінің қалауларын есте сақтауға және сайтпен өзара іс-қимыл тәжірибесін жақсартуға мүмкіндік береді; онлайн жарнаманың Келушінің мүдделеріне сәйкес болуына ықпал етуі мүмкін.
• IP-мекенжай — IP протоколы бойынша салынған компьютерлік желідегі тораптың бірегей желілік мекенжайы, Келушінің орналасқан жерін анықтауға мүмкіндік береді.

Осы Құпиялылық саясаты Компанияның сайтқа тіркелу кезінде, хабарлама жіберу кезінде және т.б. жағдайларда Компанияның сұрауы бойынша сайт келушісі ұсынатын жеке деректердің құпиялылық режимін жарияламау және қамтамасыз ету бойынша міндеттемелерін белгілейді.

Осы Құпиялылық саясаты шеңберінде өңдеуге рұқсат етілген жеке деректер сайт келушісі тіркелу нысанын Жеке кабинетте толтыру арқылы ұсынылады және мынадай ақпаратты қамтиды:

• электрондық пошта мекенжайы (e-mail).

Жоғарыда аталмаған кез келген өзге жеке ақпарат (сатып алулар тарихы, пайдаланылатын браузерлер мен операциялық жүйелер және т.б.) да осы Құпиялылық саясатының 19 және 20 тармақтарында көзделген жағдайларды қоспағанда, сенімді сақтауға және таратылмауға жатады.

Компания сайт келушілеріне Сервистер ұсыну үшін қажетті жеке деректерді ғана жинайды, өңдейді және сақтайды.

Компания сайт Келушісінің жеке деректерін мынадай мақсаттарда пайдаланады:

• Келушіні Жеке кабинетке кіру үшін сәйкестендіру немесе электрондық нысандарды жіберу кезінде клиенттен ақпарат қабылдау;
• сайт Келушісіне тиімді клиенттік қолдау көрсету;
• сайт Келушісіне жекелендірілген Сервистер ұсыну;
• сайт Келушісімен байланысу, соның ішінде Сервистерді пайдалануға, қызметтер көрсетуге қатысты хабарламалар, сұраулар мен ақпарат жіберу, сондай-ақ сайт Келушісінен сұраулар мен өтінімдерді өңдеу;
• Сервистер сапасын, оларды пайдалану ыңғайлылығын жақсарту, жаңа Сервистер мен қызметтер әзірлеу;
• сайт Келушісін өткізілетін іс-шаралар мен акциялар туралы хабардар ету;
• жеке емес деректер негізінде статистикалық және өзге де зерттеулер жүргізу, сондай-ақ жарнамалық хабарламаларды оңтайландыру.

Сайт Келушісі міндетті:

• жеке кабинетте тіркелу немесе Компанияға электрондық өтініш жіберу үшін қажетті жеке деректер туралы ақпарат ұсынуға;
• сайтты пайдалану кезінде қате деректер анықталған жағдайда ұсынылған ақпаратты өзгертуге, толықтыруға.

Келуші мынаған құқылы:

• сервистер шеңберінде берілетін веб-интерфейс арқылы жеке деректер туралы ақпаратқа кез келген уақытта қол жеткізуге және өзгертуге;
• кез келген уақытта өзі ұсынған жеке ақпаратты немесе оның бір бөлігін, сондай-ақ оның құпиялылық параметрлерін Компанияға жүгіну арқылы өзгертуге (жаңартуға, толықтыруға).

Компания міндетті:

• алынған ақпаратты осы Құпиялылық саясатының 3-бөлімінде көрсетілген мақсаттар үшін ғана пайдалануға;
• сайт Келушісінің алдын ала жазбаша рұқсатынсыз берілген жеке деректерді жарияламай, оларды құпияда сақтауды қамтамасыз етуге; сайт Келушісіне ақпарат жіберу мақсатында деректерді беруді (курьерлік қызметтерге, пошталық байланыс ұйымдарына және т.п.), сондай-ақ ҚР заңнамасымен белгіленген тәртіпте Қазақстан Республикасының уәкілетті мемлекеттік органдарына беруді қоспағанда;
• сайт Келушісінің жеке деректерінің құпиялылығын қорғау үшін осындай ақпаратты қорғауда әдетте қолданылатын тәртіпке сәйкес сақтық шаралар қолдануға;
• статистика және жарнамалық хабарламаларды оңтайландыру мақсатында үшінші тұлғаларға сайт Келушілерінің жеке емес деректерін жинау және талдау үшін рұқсат беруге. Жеке емес деректерді үшінші тұлғалардың пайдалануы олардың өз құпиялылық саясаттарымен реттеледі, және Компания олардың пайдалануына жауапты емес.

Cookies файлдарын өшіру Компания сайтының авторизациялауды қажет ететін бөліктеріне кіру мүмкіндігін жоюы мүмкін.

Компания өз Келушілерінің IP-мекенжайлары туралы статистика жинайды. Бұл ақпарат техникалық мәселелерді анықтау және шешу мақсатында пайдаланылады.

Сайт Келушісінің сервистерді пайдалануы осы Құпиялылық саясатымен және Келушінің жеке деректерін өңдеу шарттарымен келісімін білдіреді.

Құпиялылық саясатының шарттарымен келіспеген жағдайда сайт Келушісі сайт сервисін пайдалануды тоқтатуы тиіс.

Осы Құпиялылық саясаты тек halyklife.kz сайтына қолданылады. Компания сайтта қол жетімді сілтемелер арқылы сайт Келушісі өтуі мүмкін үшінші тұлғалардың сайттары үшін жауапты емес.

Компания ақпарат алу тәсілінің ерекшелігіне байланысты сайт Келушісі ұсынған жеке деректердің дұрыстығын тексермейді және олардың өзектілігін бақыламайды. Алайда Компания сайт Келушісі дұрыс жеке деректерді ұсынады және бұл деректерді өзекті күйде ұстайды деп есептейді. Жалған немесе өзекті емес жеке деректерді ұсынудан туындайтын барлық жауапкершілік пен мүмкін салдар Келушіге жүктеледі.

Осы Құпиялылық саясатына және сайт Келушісі мен Компания арасындағы қарым-қатынастарға Қазақстан Республикасының қолданыстағы заңнамасы қолданылады.

Компания қолданыстағы ҚР заңнамасына сәйкес қауіпсіздік жүйесін одан әрі жетілдіру мақсатында осы Құпиялылық саясатына біржақты өзгерістер енгізу құқығын өзіне қалдырады.

Осы Құпиялылық саясаты бойынша барлық ұсыныстар мен сұрақтарды Компанияның электрондық мекенжайына info@halyklife.kz немесе сайтта көрсетілген Компанияның Бас кеңсесінің мекенжайына жіберу керек.